in

Berlian

“Iluh dajan umahe demen gati mara baange bungkung berlian ajak calon kurenane. Simbol cinta, kone. Simbol iya ajake dadua suba resmi bertunangan. Cara cerita di TV to” Celetuk Pak Man Kancrut.

“Meh, cara janine, nak metunangan kone misi resmi. Jaman iraga pidan sing ada resmi-resmian keto. Metunangan ya metunangan, yen kar nganten mara misi resmi” Jawab Pak De Dimpil.

“Bertunangan, Pak De. Boya je metunangan. Melenan to” Jawab Pak Man Kancrut.

“Oh… Melenan to, kaden nak patuh. Men, apa kemelene?” Tanya Pak De Dimpil.

“Yen metunangan mara sebatas ajak 2 gen bersepakat. Yen bertunangan, kesepakatan ajak dua plus orang tua suba pada-pada nawang. Keto Pak De” Jawab Pak Man Kancrut.

“Ooo.. Keto… Uli pidan ada ane keto, Pak Man? Adi tumben iraga ningehang?” Tanya Pak De Dimpil.

“Sing tawang masih, Pak De. Gumi cara janine. Apa ada di TV, liu nak nempa” Jawab Pak Man Kancrut.

Banyak sekali budaya lokal kita yang belakangan bergeser. Bukan hanya bergeser pada pelaksanaan, tapi juga bergeser maknanya. Banyak yang latah mengadopsi budaya tanpa berpikir. Mungkin lebih baik kalau saya istilahkan, banyak orang hanya ikut-ikutan tanpa memikirkan hal-hal yang lebih esensial.

Sebut saja perihal bertunangan dan tukar cincin. Setahu saya, kita tidak mengenal budaya tukar cincin itu. Tapi, karena bertukar cincin dan bertunangan sedang populer, mulailah beberapa orang meniru dan mempopulerkannya. Kemudian, diikuti oleh beberapa orang lainnya, dan beberapa orang lainnya.

“Pak De, Pak Man, suba uling tunian dini?” Sapa Pak Yan Bracuk.

“Sing, mara sajane, ne, kopi tonden bakat siup” Jawab Pak Man Kancrut.

“Pak Man nak mara ye teka. Iraga mara uling ibi dini. Cara sing ngelah umah asane, sewai bakat tongosin dagange” Jawab Pak De Dimpil sedikit bercanda.

“Beh, Pak De kan mula sing demen nongos jumah. Sing di warung dini, di warung ditu, milehan Pak De tepuk negak” Sahut Pak Yan Bracuk.

“Pak Yan nak mula demen dogen nyebarang gosip. Ganti adane Pak Yan dadi Pak Yan Turah. Apang cocok ajak nyaman Pak Yan ane madan Lambe Turah ane masih Ngegosip ento” Sela Pak De Dimpil sambil cekikikan.

“Beh, Pak De, terus iraga dadi obyek walekan. Sing tawang iraga sedang pengeng ne” Jawab Pak Yan Bracuk.

“Buik. Kaden nak pengeng ento adalah hoby, Pak Yan. Taen sing asane dingeh Pak Yan sing pengeng. Sebilang wai asane Pak Yan pengeng terus” Celetuk Pak De Dimpil.

“Buin ngewalek. Seken ne, sakit sirahe mikirin men ni luh nagih bungkung. Pang misi berlian, je. Apang cara Syahrini. Artis ane mekrenyeb ento” Jawab Pak Yan Bracuk.

“Beh, bareng suba kurenan Pak Yan e kena wabah berlian ne. Ulian Ni Luh dajan umahe mara baange bungkung berlian ajak calon kurenane” Sela Pak Man Kancrut.

“Beliang je, Pak Yan. Masih kar bang kurenane. Masak ajak kurenan Pak Yan demit gati. Yen suba kurenane demen, sinah lakar Pak Yan masih ane nampi liangne” Sahut Pak De Dimpil.

“Gampang sajane yan ngomong, Pak De. Bukan iraga sing nyak meliang. Tapi, pipisne sing ada, Pak De. Aji kuda kar kaden bungkung ane misi berlian abesik? Nak aji 200 juta paling mudah. Telah carike adep asane sing nyidang meliang” Jawab Pak Yan Bracuk.

“Mih, adi bisa mael keto? Kaden nak bates aji 1 juta, kan nyidang ngulehang pipis. Nak apa lakar berliane ento mekada bisa mael sajane? Asane, yen sing pelih, berlian ento tuah batu. Sing keto, Pak Yan?” Tanya Pak De Dimpil.

“Berlian to perhiasan mael, Pak De. Suba je batu, tapi langka. Ento ngeranayang berlian to cenik tapi mael. Cenik ketiplik, tapi mael” Jawab Pak Yan Bracuk.

“Buduh adane ento, Pak Yan. Batu kone bayah aji ratusan juta. Umah beliang meh ada ye tongos membon baang cerik-cerike. Dadi kone anggo membon batune ento?” Celetuk Pak De Dimpil.

“Beh, ne mara ye Pak De Dimpil adane. Sing nawang nilai barang” Jawab Pak Yan Bracuk.

“Suba je nilai barang. Yan untuk iraga, nak manfaat barang kar anggo nilai, boya je nilai ulian gaya dogen. Abodag asane ngelah berlian, yening tusing ada nasi masih tileh kar seduk basange. Dadi berlian to makan apang ilang seduk basange? Nasi ento, biar cenik ketiplik, nak nyak ilang seduk basange baane. Yening suba tusing seduk basange, sinah hidup lakaran tenang. Iraga hidup nak ngalih tenang, boya je uyak gaya ane ngae sirah pengeng, Pak Yan” Jawab Pak De Dimpil.

“Adi bisa bijaksana kene jani, Pak De Dimpil, nah?” Celetuk Pak Yan Bracuk.

“Jelas iraga bijaksana, ulian iraga makan nasi. Len ajak Pak Yan, setata pengeng ulian makan berlian” Jawab Pak De Dimpil sambil cekikian.

Tinggalkan Balasan

Alamat email Anda tidak akan dipublikasikan. Ruas yang wajib ditandai *

7 − 2 =

Vegetarian

Cerita Berseri