in

Horang Kayah

“I Made, dajan umah ragane kapah sajane tepukin jumah, nak dija jani iya megae?” Tanya Pak Man Kancrut pada Pak De Dimpil.

“Nak Iya suba dadi bos jani, suba liu ngelah pipis. Suba ngelah umah masih di kota. Kaden dugas melaspas umahne onyang ibu-ibu PKK maan undangan makan-makan. Pak Man sing bareng dugas ento?” Jawab Pak De Dimpil.

“Beh, masak ane maan undangan ibu-ibu PKK, iraga ane bareng? Iraga kan bukan anggota PKK, Pak De. To artine kundangan khusus ibu-ibu. Bapak-bapak ne tusing maan undangan” Sahut Pak Man Kancrut.

“Masak dadi ati Pak Man ngelebang kurenane ke kota pedidian. Tega sajane Pak Man teken kurenan. Iraga nak ulian sayang makane kar ateh ke kota. Pang sing kurenan iragane tersesat lantas pelaibang timpal nyan” Sahut Pak De Dimpil.

“Beh, Pak De, to kan alasan Pak De dogen pang maan nyicip nasi kotak” Celetuk Pak Man Kancrut.

“Sing je keto, Pak Man. Iraga nak suba ngantosang di sisi, tapi paksane ajak tuan rumah orahine ketengah. Terpaksa dadine iraga maan nasi kotak” Jawah Pak De Dimpil.

“Mih, bungut Pak De, terpaksa maan nasi kotak kone. Terpaksa tapi meimbuh” Jawab Pak Man Kancrut.

“Kudiang men, Pak Man. Anak tuan rumah ane memaksa. Iraga anak tusing dadi kone nolak yan suba mepaksa” Sahut Pak De Dimpil.

“Suba dingeh beritane I Made” Sela Pak Yan Bracuk sambil mengambil posisi duduk diantara Pak Man Kancrut dan Pak De Dimpil.

“Berita apa, Pak Yan? Ne mara iraga ngorta soal pemelaspasan umahne I Made dugas ne, Pak De Dimpil kone nyemak nasi kotak meimbuh ulian tumben Pak De Dimpil kena nasi kotak” Jawab Pak Man Kancrut sambil cekikian.

“I Made nak mara teka uling rumah sakit. Ada gangguan di lambungne. Asane nak cara maag akut, keto dingeh busan memene ngorta” Jawab Pak Yan Bracuk.

“Ngae-ngae, Pak Yan ne. Sakit maag to sakit ulian kuang ngamah. Sing ada unduk asane yen I Made kuangan ngamah. Monto meliah pipisne” Sela Pak De Dimpil.

“Sing je ulian kuang ngamah atau kuang makan, Pak De. Nak bisa masih maag to ulian makan sing teratur. Yen undukne i Made asane sesai telat makan” Sahut Pak Man Kancrut.

“Penyakit anake sugih cara janine tuah kuangan di waktu. Liu ngelah pipis, tapi sing ngelah waktu anggo menikmati pipisne” Sahut Pak Yan Bracuk.

“Beh, Pak Yan. Cara nak taen sugih dogen. Mesebeng nawang penyakit nak sugih. Utang dogen sing mebayah pe nen sud Men Kempline” Celetuk Pak De Dimpil.

“Mulai suba munyi sepet pesu uling Pak De Dimpil ne. Nak tusing je keto Pak De, biasane anake liu ngelah pipis ento nak kuangan waktu karena iya sibuk ngurus usahane. Keto nyen, Pak De” Sahut Pak Yan Bracuk.

“Yen iraga biar sing orahange sugih, tapi merasa paling sugihe. Ulian, pidan je mekeneh ngopi jeg ada kopi. Patuh teken makan, seduk basange nak sing perlu metanggeh, langsung makan. Tapi, kanggoang apa je ane ada, to gen nikmati. Nak hidup iraga tuah orahine menikmati dogen, boya je orahine ruwet. Diastun liu ngelah pipis tetep dogen makenta nanggehan seduk basang. Buine makejang sing dadi. Makan kene sing dadi, keto sing dadi. Apa men gunane ngalih pipis liu yen keto undukne?” Jawab Pak De Dimpil.

“Pak De, pipis liu ento anggon nulungin anak liu. Lebihan ngelah pipis, lebihan anake lakar nyidang tulungin. Tolih je, kuda suba masyarakat dini maan keringanan mayah peturunan ulian sumbangan I Made. Boya je pipis liu lakar anggo makan dan menikmati hidup dogen” Sahut Pak Man Kancrut.

“Beh, sing kekeneh ben yen keto unduke. Iraga yen ngelah pis liu palingan lakar beliang mobil lantas melali ajak kurenan lan panake. Makan ane serba jaen, di restoran apa adane to” Jawab Pak De Dimpil.

“To kan mara munyin Pak De gen. Ane sujatine, yen Pak De ngelah pis liu, palingan lakar telah di kafe” Celetuk Pak Yan Bracuk.

“Nah yen masalah kafe ento kan nomor sekian setelah keluarga. Sing je lakar telah di kafe pe pipise. Palingan bedik-bedik aba masih ke kafe anggo ngibur” Jawab pak De Dimpil sambil cekikikan.

“Pantes suba Pak De sing sugih-sugih. Kesugihan Pak De boya je lakar anggo nulungin anak. Nanging anggo ngulurin indria pedidi dogen” Jawab Pak Man Kancrut.

“Men, yen Pak Yan Bracuk engken adane ento? len suba sing sugih-sugih, buine jani terus ngutang dogen” Sahut Pak De Dimpil.

“Yen Pak Yan Bracuk nak mula ditakdirkan sing lakaran sugih, iya ditakdirkan lakaran terus ngelah hutang” Jawab Pak Man Kancrut.

“Apa ngae keto Pak Man?” Tanya Pak Yan Bracuk.

“Ulian Pak Yan lebihan merenung, telah bakat renungang Pak Yan kanti buwung megae ke carike” Jawab Pak Man Kancrut sembari berdiri dan beranjak pergi.

Pak De Dimpil tertawa terbahak-bahak. Tertawa puas setelah melihat Pak Yan Bracuk tersenyum kecut mendengar perkataan dari Pak Man Kancrut.

“Yen suba baang keto jeg nomor satu Pak De Dimpil ne” Kata Pak Yan Bracuk ketus.

“Sabar, Pak Yan. Ini Ujian” Sahut Pak De Dimpil juga sebari berdiri dan beranjak pergi.

Tinggalkan Balasan

Alamat email Anda tidak akan dipublikasikan. Ruas yang wajib ditandai *

eighteen − 3 =

Amati Internet

Cumi Rebus (Calon Suami Rekening Bagus)