in

Ndas Bedag

“Jaran, nawang jaran, Pak De?” Tanya Pak Yan Bracuk pada Pak De Dimpil yang sedari tadi duduk tenang menikmati segelas Kopi Bali dengan sebatang rokok yang menggiringnya untuk mengkhayal.

“Hah… Kenken, Pak Yan?” Sahut Pak De Dimpil setengah terkejut.

“Beh, mengkhayal suba, Pak De ne” Jawab Pak Yan Bracuk.

“Jaen asane mengkhayal, Pak Yan. Apa buin metimpal kopi ajak roko, cara di swargan asane” Kata Pak De Dimpil.

“Pak De ngorta cara nawang asane swargan dogen” Sahut Pak Yan Bracuk.

“Adane gen nak mengkhayal. Apa dadi sambat, Pak Yan” Jawab Pak De Dimpil.

“Ao te. Keweh suba ngomongang anak yen suba mengkhayal. Nak saja bebas, apa dogen dadi omongang, nanging tuah sebatas khayalan dogen. Mani yen suba tagihine ane seken, ditu lantas plintat plintut” Kata Pak Yan Bracuk.

“Badah, soal apa ne, Pak Yan? Adi bisa sing nyambung kene. Misi plintat-plintut misi tetagihan apa ne?” Kata Pak De Dimpil kebingungan.

“Soal jaran, Pak De. Dugas ipidan di Jakarta nak rame ngomongan soal jaran. Jani di Bali masih patuh, rame ngomongang soal jaran” Kata Pak Yan Bracuk.

“Beh… Yen kene undukne, sing suba iraga keresep ne, Pak Yan. Jaran apa ne bahas, Pak Yan? Yen majaran-jaranan iraga mara ngerti” Sahut Pak De Dimpil.

“Yen suba baang mejaran-jaranan, jeg nomer satu. Nak ngomongang jaran, ne, Pak De. Yen sing ngerti jaran, basa Indonesiane Kuda. Panak jaran madan Bebedag” Jawab Pak Yan Bracuk.

“Yen bates jaran ane beburon ento, iraga ngerti, Pak Yan. Jaran nak liu artine. Cara munyi busan, mejaran-jaranan artine *sensor*. Jaran Goyang artine, nah… keto lah” Sahut Pak De Dimpil.

“Yen ndas bedag apa artine, Pak De?” Tanya Pak Yan Bracuk.

“Ndas bedag artine ndas ne panak jaran. Basa Indonesiane Kepalanya Anak Kuda” Sahut Pak De Dimpil cekikikan.

“To, sing suba, kema dadine pesautne. Jeg, sing dadi ajak ngorta seken pe, Pak De ne. Ndas bedag to artine sing penting, pada teken nyampahin” Kata Pak Yan Bracuk.

“Men suba ye tawang artine, buin masih metakon. Nak kenken ne, uling tuni mutar muter ngomongang jaran, bebedag, ndas bedag, dan turunan jaran lainnya. Iraga bingung baane ningehang” Kata Pak De Dimpil terlihat kebingungan.

“Ne ada Cagub ane merasa ibane sakti. Ibane pedidi kone nyidang meragatang unduk reklamasine. Buine misi ngorang demo tolak reklamasine bedag. Campah sajane mara dadi Cagub, kengkenang mani yen suba dadi Gubernur. Nyajang lakar campah, te?” Kata Pak Yan Bracuk.

“Wee… Pak Yan. Yen anake mara dadi calon, patuh teken posisin iragane sedang mengkhayal, Pak Yan. Apa dadi orahang. Adane dogen anak mengkhayal. Jeg sing ada apa de. Onyang tuah sebatas di angan-angan dogen. Bolak-balik swargan asane nyidang yen tuah mengkhayal dogen” Kata Pak De Dimpil.

“Saja te, jelema mengkhayal bakat dingehang” Sahut Pak Yan Bracuk.

“Kaden uling pidan suba keto, asal suba misi solitik, jeg bedag bakat rambang ditu. Solitik ento anak tongos jelema lebihan khayalan. Yen Pak Yan makeneh bareng milu solitik-solitikan, melajah malu mengkhayal uling jani” Kata Pak De Dimpil sambil cekikikan.

“Beh, iraga tusing je bisa mengkhayal, Pak De. Tonden teked ditu ilmu mengkhayalne” Kata Pak Yan Bracuk.

“Yen batas khayal-mengkhayal nak iraga sing je kalah pe asane. Tapi, yen ukuran realisasi, iraga nak sing bisa pongah ngomong kene keto di depan anak liu. Sing juari. Kanggoang bates mengkhayal jaran-jaranan ajak tabiya-tabiyaan dogen” Lanjut Pak De Dimpil sambil tertawa.

“Adah, bedag apa ne. Jeg setata tabiya-tabiyaan satwane. Sing ada satwa lenan pe?” Kata Pak Yan Bracuk.

“Jaen, Pak Yan. Cobak je. Luwungan asane ngayalang tabiya-tabiyaan daripada ngitungang solitik-solitikan. Ruwet, Pak Yan. Apa buin ningehang jelema solitik ngomong, beh, nyajang asane ruwetne” Jawab Pak De Dimpil.

“Saja je masih. Iraga ruwet ngitungang jelema mengkhayal” Sahut Pak Yan Bracuk.

“Ento mekada, pegigisin ngerambang munyin jelema solitik. Onyang asane tuah batas munyi khayalan dogen. Ane paling luwunge, baca rekam jejakne. Kaden liu ada di intenet soal jelema-jelema solitik ento. Uling ditu iraga ngalih perbandingan. Boya je uling di munyine pas kampanye dogen. Nanging uling rekam jejakne setonden kampanye. Ditu mara jelas, Pak Yan” Kata Pak De Dimpil.

“Beh… Seken te. Jeg, setata bijaksana asane Pak De Dimpil ne. Cerdas sajane” Kata Pak Yan Bracuk.

“Iraga nak mula cerdas uling pidan, Pak Yan. Nanging tusing ada anake nawang” Celetuk Pak De Dimpil sambil nyengir sombong.

“Mulai suba pesu kedek nyampahin ne” Kata Pak Yan Bracuk.

“Beh… Pak Yan. Mara amonto dogen suba orahange kedek nyampahin. Boya je kedek nyampahin ne, Pak Yan. Ne madan nyengir manja” Sahut Pak De Dimpil.

“Mih, nyengir manja… Cara ABG dogen misi nyengir manja” Jawab Pak Yan Bracuk.

“Pergaulan kita beda, Pak Yan” Sahut Pak De Dimpil tertawa lepas.

“Iraga mulih malu” Kata Pak Yan Bracuk Merunyut.

“To, kan. Suba pesu ngambulne. Prejani nagih mulih, ngambul” Kata Pak De Dimpil.

“Iraga boya je ngambul, Pak De. Uling tuni ngorta tabiya, ABG, manja, bareng iraga mengkhayal baane. Jani, jeg jelek asan bayune, Pak De. Kar mulih malu nengokin memene” Sahut Pak Yan Bracuk.

“Ndas bedag apa ne. Mara orta amonto dogen suba jelek banyune. Salingan seken nyen ajak ngalih tabiya-tabiyaan. Bisa telah panas dingin awakne” Kata Pak De Dimpil.

“Dadah… Pak De” Kata Pak Yan Bracuk sambil melambaikan tangan.

“We… Kopine bayah malu” Kata Pak De Dimpil.

“Pak De mayah malu, yen sing keto nganggeh malu” Kata Pak Yan Bracuk sambil beranjak pergi.

“Badah, ne mara ndas bedag adane. Pak Yan ane nyiup kopine, iraga ane kena hutangne. Duh…” Kata Pak De Dimpil merunyut.

Tinggalkan Balasan

Alamat email Anda tidak akan dipublikasikan. Ruas yang wajib ditandai *

thirteen + 8 =

Ribet Ribut Melali

Kutak Katik Jabrik